Amabasya ki rat bahle hi
kitni bhi kali kyon nahi ho, chahen kitni hi lambi kyon nahi ho , use khatam karne ek suraj jarur nikalta hai
…….
Savan ki purnmasi ki rat hai …
aakash men kale kale badal ek hi disa men daure chale ja rahen hain … aisa partit ho raha hai , jaise badalon aur chand ke bich aankh – michauni ke
khel chal raha hai ……
lakin hakikat kuchh aur hi hai hai ………….
sach to ye hai ki wahan pe samjhauta varta chal raha hai …. Bare badal
chhote badal ko samjhane ki koshish kar rahen hain ki apas men mil – jul ke
raho , ekta men hi bal hai … jab ham ek sath rahenge to hamme shakti aayegi , ham pani de payenge …. kitna upakr hoga hamara … kitni duayen
milengi hame .. .. hamara jivan sarthak
ho jayega ……….
Lakin ye jo chhote - chhote badal hain , jinki abhi paidaish hi hui hai ,
jinhone abhi is duniyan ko dekha hi nahi hai , unko isse kya matlab … unhe to
is sansar ko janne – dekhne ki desire
hai … unhe is paropakar - samajkalyan se kya lena dena .. aur wo itne bebkuph bhi to nahi hai …… unhe
sab pata hai ….. jab wo barsenge to wo mar jayenge . wo in bare bujurg ke jaise
thak bhi to nahi gaye hain ki baras ke mar jayen ..unhe pata hai ki ye jo bare
bujurg hain wo apni jivan se thak chuke hain isliye ab wo baras ke mar jana chahten hain ……… Wo sochten hain
marna hai to wo mare ham kyon ………. Isliye we bhage ja rahen hain aur bare – bujurg
unhe samjhane unke pichhe pichhe ……..
suraj, insaribaton se bekhavar , pichhle kayi ghante se is bargad
ke per ke niche baitha, apni hi khayalon men gum hai . uski najre ektak nadi ko dekh rahi hai,jam si gayi hai pani pe
. jaise kisi behad sukachhm chij ko dekhna chah rahi ho ,bahte hue pani men. ya apne kisi prasn ka uttar mang raha ho , is
uphanti nadi se . dekhke to koyi aisa hi samajh baithega ……
lakin , uski najren to sunya
men hai. samne nadi pe hoke bhi usko
nahi dekh pa rahi hai . Wo to sirf uske
atit ko dekh rahi hai. ek ek ghatna
samne se aise gujar rahi hai ,jaise samne nadi ka pani …….
Wo sochta hai ---- kitna akela hun main
.koyi bhi to nahi hai mera apna . ek ek karke sabonne mujhe akela chhor diya . pahle babuji ,phir didi aur ant men man bhi
.main hi kyon jinda hun ,mujhe maut kyon nahi aati ,kya karun is jivan se . wo
sochta hai apne nam ke bare men ---
kitne ummid se rakkha hoga man – babuji
ne ye nam ‘ Suraj ’ .
shayad is ummid se , sansar men chamkunga main . khandan ka nam raushan
karunga ,suraj ki tarah ….. lakin bakt
ne mujhe bilkul ulta hi bana diya … dubta suraj hun main .kuchh bhi to nahi hai mere aage , sibay andhere ke ….
uski ankhen use 22 -23 sal pichhe
leke chali jati hai …………
uski samne se gujarti hai …. uske
papa ki antim yatra . Matr 4 -5 sal ka
to tha wo … Kitna bhola tha wo – kitna
nasamajh … jise maut ka matlab tak pata nahi tha ..
sara drisya jivant ho jata hai.
wo dekh raha hai …..
bich angan men ek khatiya hai . khatiye pe
papa leten hai . khatiye ko charon taraph se aurton ne gher rakha
hai .
sabhi jor – jor se chikh chillan rahen hain . har koyi ron raha
hai,lakin wo hanse jar aha
hai. man ron rahi hai, didi bhi ron rahi hai , lakin wo thahaka laga
raha hai .sabke anakhon men ansun hain ,bas wo
chhat ki sabse upari sidhi pe baitha
hans hans ke lot- pot ho raha hai .
maja aaraha hai use , is tamasha
men ….
samne ka drisya hi itna suhabna hai ,wo kyon nahi Hansen…… man papa ke
sarir pe apne sar ko patak - patak ke
ron rahi hai to didi papa se lipat -lipat ke .paraus ki kaki ,kabhi apne dono
hathon se dharti ko, to kabhi dono haton se apne kapar ko, thok thok ke ron
rahin hain .wahin ek budhi dadi hain,jinke muh men ek bhi dant nahi hai,muh andar dhash chukka hai ,jab roti
hain to ajib dikhti hain ,nak tondhi se sat si sati hain . ye jo rone balon ka ajab – gajab andaj hai
,rote samay banana bala alag – alag
mukhakiriti ,alag –alag kism ki aawaj hai, ye sab paryapt reason hai uske
hansne ka …us sab ko dekh ke hi to wo hanse ja raha hai ….
aur use mauka bhi to mila hai dil
khol ke apni marji karne ka . hamesha gussane bale papa ,har bat pe dantne bale
papa ,bilkul sant soyen hain .wo itna hansh raha hai lakin papa ne ek bar gussa
ke dekha bhi nahi hai , dantna to dur ki bat hai. Lambi bimari
ke karan chir chire swabhav ke ho gaye the . hamesha dantte rahte the ,
usko to jaise dantne ki kasam hi kha rakhi thi .isiliye to wo unke samne jane
se katrata rahta tha .aaj bilkul sant lete hain .Ab nahi hansega to kab hansega . jag jayenge to kya
use is tarah se hansne denge.phir se wahi dant – phatkar suru ho jayegi .…..
isliye to mauke ka pura phayda uthane men laga hai …..
tamasha aage badhta hai … papa ko samsan le jane ki taiyari suru ho jati
hai ,use bahut maja aarha hai .yatra suru ho jati hai .sabhi log ‘ ram nam
satya hai ’ bolte papa ke pichhe pichhe
chal parten hain .wo bhi unke sath hai . bas antar hai bolne ke andaj men . har
kisi ki aawaj dard se bhingi hai , lakin ye to jaise nara de raha . josh –
umang – anand se bhar ke bol raha hai
… ram nam satya hai . kuchh der men samsan bhi aajata hai . chita saja
di jati hai .mukhagni dene ki taiyari suru ho jati hai .mantrocharan suru ho
jata hai aur ye chita ke phere .itni anand aaj tak use kisi bhi natak ko dekh
ke nahi mila tha ,aur phir aag laga di jati hai .
pahle to wo dur khara maja le raha
hota hai is natak ka ,lakin jaiise hi
papa jalne lagten hain wo chikh parta hai .papa ko jagane daur parta hai, Papa
use dantte the ,tab bhi wo unse bahut pyar karta tha ,jalne kaise dega unhe
,lakin log use pakar leten hain .use samjhaten hain ,jo mar janten hain use ham
jala deten hain .use maut ki bhayanakta samajh men aajati hai .ab wo rona suru
kar deta hai ,kayi dino tak rota rahta hai . jab bhi papa yad aaten hain , wo
rota hai … aaj bhi wo ro parta hai …………..
wo
sochta hai –---kitna nadan tha main ,maut ka matlab tak mujhe nahi pata tha .man
ki duniyan ujar gayi thi aur main itna hansa tha. saphed rango men simat ke rah
gayi thi uske bad, aur maine sirf use ek natak samajh liya tha .Shayad isiliye
mujhe chhor ke chali gayi .
wo ek thandi aahen bharta hai aur phir se
atit men kho jata hai .. kuchh aise drisya ko dekhne ki kosish karta hai ,jisse
thori si khushi mile ,thora sa ji halka ho sake …..